უპატრონოდ მიგდებული ქართული კინო ბელორუსში

ბელორუსში ქართული კინო და ქართველი კინემატოგრაფისტები საქართველოს საელჩომ უპატრონოდ მიაგდო.

მინსკში გამართულ საერთაშორისო კინოფესტივალზე “LISTAPAD” – “ფოთოლცვენა” ქართველებმა 6-დან 4 ჯილდო აიღეს, დაჯილდოვების ცერემონიალს კი საელჩოს არც ერთი თანამშრომელი არ დაესწრო, რამაც რეჟისორ რუსუდან გლურჯიძის სამართლიანი გულისწყრომა გამოიწვია:

“ცოტა უნდა ვიწუწუნო… ბელორუსიაში საქართველოს საელჩომ გამაოცა…

3 ქართული ფილმი იყოს ქვეყნის მთავარი კინოფესტივალის ძირითად საკონკურსო პროგრამაში, ამდენი ქართველი კინემეტოგრაფისტი – მსახიობები, რეჟისორები, პროდიუსერები.

6-დან 4 ჯილდო მიიღოს ქვეყანამ: საუკეთესო სცენარი – დიმიტრი მამულიას ფილმი „ბოროტმოქმედი“; საუკეთესო მსახიობი ქალი – სალომე დემურია დიმიტრი ცინცაძის ფილმისთვის „ჩაისუნთქე-ამოისუნთქე“; საუკეთესო მსახიობი მამაკაცი – ლევან გელბახიანი ლევან აკინის ფილმისთვის „და ჩვენ ვიცეკვეთ“; საუკეთესო მუსიკა – დიმიტრი მამულიას ფილმი „ბოროტმოქმედი“ და არცერთი თანამშრომელი არ დაესწროს ფესტივალის დახურვას. სხვა რამეზე აღარც ვსაუბრობ…

ჩნდება კითხვა – რატომ? სხვა რა საქმე გქონდათ ასეთი გადაუდებელი? რატომ გაგვემიჯნეთ ასე მწარედ? მინსკის რიგით ოცდამეექვსე საერთაშორისო კინოფესტივალზე ერთი კვირის განმავლობაში 50 ქვეყნიდან 154 ფილმი უჩვენეს.”

ფეისბუქის კომენტარები

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *

You may have missed